طالب " ثعلب " الكرة المصرية  حازم إمام نجم الزمالك ومنتخب مصر الاسبق مسئولي اتحاد الكرة بإعادة النظر فى قرار تعيين حكم مصرى لإدارة مباراة القمة بين الأهلى والزمالك المقرر لها 18 ابريل الجاري والمؤجلة من الدوري المحلي.

 وقال الثعلب الصغير فى برنامجه وان تو عبر إذاعة أون سبورت إف إم :" أعلم أن المسئولين عن اتحاد الكرة ولجنة الحكام لديهم خبرات هائلة ويرغبون فى الصالح العام ولكن قرار اسناد القمة لحكم مصرى قرار غير صائب يجب أن يعاد النظر فيه مرة أخرى".

ويضيف حازم إمام:" معرفش ليه اتحاد الكرة بيدور على وجع الدماغ والازمات ، ماصدقنا الامور هادية بين الناديين ، واى غلطة من الحكم المصرى سواء للأحمر أو الابيض لن تنسى طيلة شهور طويلة ، طب ليه مافى قرار مجلس وزراء بحكم أجنبى".

وأكمل الثعلب الصغير:"لو حد بيقول عشان كورونا نقول الطيران بينا وبين الامارات شغال بينا وبينهم برحلات كثيرة يوميا ابعتوا هاتوا طاقم تحكيم إماراتى ، لو هتقولوا عشان الفار هيسهل المهمة على الحكم المصرى هقولكم فى مباريات كتير كان فيها أخطاء فى وجود الفار".

وتابع حازم إمام:" يارب الأهلى والزمالك يكونوا اتأهلوا لدور الثمانية ويدخلوا المباراة بدون أزمات لكن فى رأيى بلاش حكم مصرى عشان نرتاح من وجع الدماغ ، الأجنبى عارف أنه ممكن يغلط بس كبيره هنتكلم عليه يوم الماتش وخلصت القصة".

أيمن بدرة

كاتب صحفى